巴西球星尼馬同前女友布魯娜（Bruna Marquezine）離離合合，但上星期六都有出席一個迎接新年party，仲旁若無人又攬又咀鬼叫痴纏，但到底係咪第四次復合就要等時間去證明。
效力巴黎聖日耳門（PSG）尼馬，最近因為法甲歇冬返咗巴西，上星期六佢喺費爾南多-迪諾羅尼亞群島嘅一個party同布魯娜同場，畀人影到佢哋又攬又錫，原本尼馬同傳媒講佢會喺Bahia過新年，但星期六一早就搭私人飛機走咗。據報道，尼馬同布魯娜係分別收到朋友邀請出席呢個party，不過佢哋互相都知道對方會出席嘅。尼馬同布魯娜喺舊年6月第三次分手，巴西傳媒當時話分手原因係尼馬要求同布魯娜，而只得22歲、做演員兼模特兒嘅布魯娜覺得結婚太早而產生分歧。
（巴西華人資訊網）
